AL CHRISTIANISSIMO RE MIO unico signore Sabastiano Serlio Bolognese.

AU ROY TRESCRESTIEN, SEBASTIAN SERlio de Bolongne, son treshumble et tresobeystant serviteur.

Sire durant ces années passées que vostre maiesté se trovuoit occupée en ses guerres, et neantmoins ne desistoit de les entreprises magnanimes, ains payoit largement tous les ovuriers, qui se travaillent en plusiceurs beaux artz et sciences, mesmement moy qui (soubz le bon plaisir d'icelle vostre maiesté) suis logé en maison royale, entretenu d'estat honneste, et d'avantage recoy des biensfaictz innumerables de la Royne de Navarre vostre soeur unique decorée de toute charité et bonté. Pour ne consumer en oysiveté, le peu de temps qui me restoit apres la solicitude requise aux ovurages a moy commandez par vostredicte maiesté, je me mis a composer ces livres d'architecture ausquelz (par faulte de moyen) n'avoye sceu vacquer pendant ma residence en Italie, et tant me suis travaillé que finablement je les ay achevez en intention de les vous dedier sire, qui estes le vray sustentateur et protecteur des hommes aymans la vertu. Recevez doncques (s'il vous plaist) ce peu de frunt que mon debile entendement a sceu produire en ceste solitude de Fontainebleau, et le prenez d'aussi bone affection que le vous presente vostre treshumble et tresobeyssant serviteur, le quel au premier de ces deux livres traicte d'aucunes fleurs de geometrie fort utiles et necessaires. Puis au secod enseigne aucuns poinctz de perspectiue, sans les quellez un artiste voulant faire profession d'architecture ne scavroit conduire chose qui feust bonne et vallable. A raison de quoy et aussi pour m'acquiter de la promesse par moy faicte il y a quelzques annees, qui estoit secourir de ma possibilité aux studieux du temps present, j'ay bien voulu communiquer ces livres, attendant que je mectray la derniere mai a trois autres poursuyvant ceste matiere qui seront (avec la grace de Dieu) l'accomplissement du nombre de sept, et apporteront quelque profiit a ceulx qui les daigneront attentivement lire ou escouter. Atantie supplie le Createur vous donner Sire en perfaicte santé treslongue et tresheureuse vie, et a moy la grace de vous faire trelhumble service.